Mlakune srengenge arah ngulon
Lumakune cepet senajan ora diarep- arep
Senajan jejake ora katon
Ngerti- ngerti wis wayah rep
Gusti
Krasaku esih bocah
Tapi kahanan cepet owah
Elingku, rama biyungku esih ayu lan gagah
Jebul ws kapundut wektu lumrah
Gusti,
Aku ikhlas,
Yen panjenengan lewih tresna karo saklorone
Bukti panjenengan melas
Nalika krasa lara lewih suwe
Gusti,
Aku tansah nyuwun pangestu
Nalika dereng wujud ngabekti
Kanti aruming asmamu,
Waji,
Jipang, Juli 2022